മുത്തുകള് ഉണ്ടാകുന്നത്
സമുദ്രത്തില് മുത്തുകള് ഉണ്ടാകുന്നതെങ്ങനെയെന്നു നിങ്ങള്ക്കറിയാമോ? സമുദ്രത്തിലുള്ള ഒരു തരം കക്കായിലാണ് അതുണ്ടാകുന്നത്. ഒയിസ്റെര് എന്നാ ഈ കക്കാകളുടെ ഉള്ളിലുള്ള മാംസളമായ ഭാഗം വളരെ മൃദുവാണ് . ഈ മാംസത്തില് അറിയാതെ ഭക്ഷണത്തിന്റെ അവശിഷ്ടം കടന്നാല് അതിനു വല്ലാതെ വേദനിക്കും. എങ്കിലും അവശിഷ്ടത്തെ പുറത്ത് കളയാന് അതിനു മാര്ഗ്ഗങ്ങള് ഒന്നുമില്ല. അകത്തിരിക്കുന്ന അവശിഷ്ടം ഉളവാക്കുന്ന വേദന സഹിക്കുകയല്ലാതെ അതിനെ ഒന്നും ചെയ്യാന് കഴികയില്ല. ഓരോ ചെറിയ ചലനത്തിലും അത് വേദനപ്പെട്ടുകൊണ്ടിരിക്കും. ഉടന് തന്നെ ഈ ജീവി രണ്ടു സ്രവങ്ങള് പുറപ്പെടുവിക്കും. അരഗിനിട്ടെ, കങ്ങ്കിയൂലിന് എന്നിവയാണ് ആ സ്രവങ്ങള്. അത് ഈ അവശിഷ്ടത്തിന് ചുറ്റും പോതിഞ്ഞു കട്ടിയുള്ള ഒരു ആവരണമായി മാറും. കാത്സ്യം കാര്ബനെറ്റിന്റെ ഈ ആവരണം പതുക്കെ വലുതാകാന് ആരംഭിക്കും. ഒടുവില് ചില വര്ഷങ്ങള് കഴിയുമ്പോള് അത് നല്ല മിനുസവും തിളക്കവും ഉള്ള മുത്തായി മാറും. അതെ ആ കടല്ജീവിയുടെ വേദനയില് നിന്നുമാണ് നമ്മെ സന്തോഷിപ്പിക്കുന്ന മുത്തുകള് ലഭിക്കുന്നത്.
നിങ്ങളുടെ വേദന, ഒരുപക്ഷെ നിങ്ങള് അതിനു കാരണക്കാര് അല്ലെങ്ങ്കിലും, ചിലരെ സന്തോഷിപ്പിക്കുന്ന മുത്തുകള് ആയി രൂപന്തരപ്പെടുകതന്നെ ചെയ്യും.
ഓര്ക്കുക, പതിനായിരത്തില് ഒരു ജീവിയില് മാത്രമേ മുത്തുകള് കാണപ്പെടുന്നുള്ളൂ. അതെ, നിങ്ങള് ഒരു അപൂര്വ ജീവി തന്നെ.
(മാത്യു പാലത്തുങ്കല്)
